Ұрлық, өтірік туралы мақал – мәтелдер | Qazbrand.info

Ұрлық, өтірік туралы мақал – мәтелдер.

Ұрының арты қуыс.

Ұры байымайды,
Сараң семірмейді.

Ұры ұрлығын қойса да,
Ұры аты қалмайды.

Адам тілінен жазады,
Ұры ізінен жазады.

Адам тілінен жазады,
Ұры ізінен жазады.

Елді жерде ұры бар,
Таулы жерде бөрі бар.

Ұрының қатыны өзіне лайық.

Бөлінгенді бөрі алар,
Ұзағанды ұры алар.

Ауыл үйдік моншағын
Күндіз ұрлап, түнде тақ.

Ұры бір түнде – бай,
Бір күнде – кедей.

Ұры – көптің жиені.

Жұрттың жүргені басылмай
Иттің үргені басылмас.

Аты шулы ұры аштан өлер.

Ұрыны ұры ұрмай – соқпай ұстайды.

Барымташының басы бодаудан,
Ұрының басы төлеуден шықпайды.

Өтірік сөз – жанға қас,
Өтірік пышақ – қынға қас.

Өтіріктің құйрығы – бір – ақ тұтам.

Өтірік деген дұшпан бар,
Отқа сүйреп салады.
Әділет деген аға бар,
Дұшпанның қолын қағады.

Түстік жерге өтірік айтсаң,
Кешке артыңнан қуып жетеді.

Өтірікті қуалап
Шын қоймайды.

Жыртық үйді жел табар,
Өтірік сөзді шын табар.

Қамыс отын емес,
Жалыны бар да шоғы жоқ.
Өтірік сөз досым емес,
Айтқан жерден өзі жоқ.

Өтірікті – шындай,
Ақсақты – тыңдай.

Ойнап айта да ойындағысын айтады.


Ұрлық өтірік туралы мақал мақал мәтелдер жинағы

© Дереккөзі

Rating
( No ratings yet )
Like this post? Please share to your friends:
Құттықтау