Әділдік, шындық, қанағат – рақым туралы
Әділдіктің белгісі – біле тұра бұрмаса, ақылдының белгісі – өткен істі қумаса.
Асан қайғы
Би – түзу, билік – әділ болсын!
Әлихан Бөкейханов
Биді кім болса содан қорықпайтындай, біреудің бетінің қызылына немесе біреудің жақсы жағасына қарамайтындай жағдайға қою шарт.
Әлихан Бөкейханов
Әділет тілесе – атаңның болсын айыбын айт.
Мұхтар Әуезов
Ақиқат – адал айтыстан туады.
Шерхан Мұртаза
Шындықты ақтарыла айту – қиынның қиыны.
Шерхан Мұртаза
Шындық – ащы һәм ажарсыз.
Шерхан Мұртаза
Әділ биі болмаса – бірлігі кеткен ел ғаріп,
Қадірін елі білмесе – қайратты туған ер ғаріп.
Би – шешендер
Әділ би әділдігін айтар – сары табақтан сарқыт қайтар.
Би – шешендер
Әділ деп соны айтыңыз – тураны қыйсық бұрмаса.
Би – шешендер
Шағырмақ бұлт – жай тастар, әділ жігіт – ел бастар.
Шалкиіз Тіленшеұлы
Халқыңа адал бол, жауыңа қатал бол, досыңа адал бол!
Төле би Әлібекұлы
Туралық – хақтың мейірі.
Сайф Сарайи
Пайдасыз шындықтан – пайдалы өтірік артық.
Сайф Сарайи
Ізгілік пен әділдік өлмейді.
Сайф Сарайи
Хан әділ болса – халық ынтымақты болады.
Майқы би
Шыншылдық адалдықпен ағзалас.
Әбу Насыр әл – Фараби
Қара қылды қақ жарған – жақсылардың белгісі.
Әйтеке Байбекұлы
Өтірік пен шынның арасы – төрт – ақ елі.
Жиренше шешен
Көзбен көрген – шын, құлақпен естіген – өтірік.
Жиренше шешен
Әділ сөз ащы көрінер.
Жүсіп Баласағұн
Әділ заң – тірегің.
Жүсіп Баласағұн
Әділдік жолын өзің аш.
Жүсіп Баласағұн
Әділдік әкімдіктен де күшті.
Жүсіп Баласағұн
Әділ сөйлеп, адал жүр.
Қожа Ахмет Иассауи
Ақиқат қашан да аңғал келеді.
Олжас Сүлейменов
Ақиқатты себеп – салдар жолымен түсіндіру – Лейбництің ойлап тапқан амалы. Соған орай тәжірибеден салдарды иланымды деңгейге жеткізуге қажет себеп теріліп алынады.
Олжас Сүлейменов
Қанағат – рақым туралы
Арғымағың жамандап – тұлпар қайдан табарсың,
Тұйғыныңды жамандап – сұңқар қайдан табарсың.
Асан қайғы
Көлдің суын жамандап – Еділ қайдан табарсың,
Әкіміңді жамандап – әділ қайдан табарсың,
Өз барыңды жамандап – асыл қайдан табарсың.
Асан қайғы
Ақ тоныңды жамандап – атлас қайдан табарсың,
Өз басыңды зорайтып – теңдес қайдан табарсың.
Асан қайғы
Мақал – мәтел
Қайғысыз қара суға семірер.
Елің жүрсін есіңде – мал мен баққа есірме,
Мал мен баққа есірсең – кез боларсың кесірге.
Би – шешендер
Өлгеніңше – тою жоқ, түңілмей – ырза болу жоқ.
Шортанбай Қанайұлы
Қолдағыға қанағат – шүкір қылмасаң,
Болады бар да – арманда, жоқ та – арманда.
Сүйінбай Аронұлы
Кілеміңе қарай көсіл.
Құтып
Ішер судың да шамасы бар: артық – зиян.
Құтып
Шам маймен жанады: көп май құйсаң өшіп қалады.
Құтып
Қайран менің өз үйім – кең сарайдай боз үйім.
Жиренше шешен
Дереккөзі: «Әдеби әлем» порталы
Ұлағатты сөздер нақыл сөздер әділдік шындық қанағат – рақым туралы ұлағатты сөздер қанағат рақым қанағат рақым
© Дереккөзі
