Шамалар арасындағы тәуелділік. Табиғат құбылыстары бөлімі | Бастауыш сынып

Табиғаттың жас жанашырлары

Математика пәні 4 – сынып

Сабақ тақырыбы: Шамалар арасындағы тәуелділік. Табиғат құбылыстары бөлімі.
Оқу мақсаты: _ Есептерді шығаруда егіннің өнімділігі, ауданы және массасы шамаларының өзара тәуелділігін пайдалану;
_ Есепті сызба, алгоритм, дөңгелек диаграмма, график түрінде модельдеу.

Сабақтың басы 1 мин
1. Ми гимнастикасы (Мақсаты: Ойлау қабілетін жақсарту)
«Басты шайқау». Терең демалыңдар, иықтарыңды бос ұстап, басыңды алға тастаңдар. Денедегі ауырлық түскенше бастарыңды ақырын әрі – бері айналдырыңдар. Иектеріңді бір сызықтың бойымен кеуде тұстарыңа әкеліңдер. Осылай отыз секунд жаттығу жасаңдар.

2. Үй тапсырмасын бекіту «Ішкі және сыртқы шеңбер»
(Оқушылар берілген сұрақтар аясында өз білгендерімен бөліседі. Мақсаты: өнімділік формулаларын қайталайды және
математикалық тілде сөйлеу ережесін дұрыс пайдалануға дағдыланады)
Сұрақтар:
_ Өнімділік дегеніміз не? Қалай белгіленеді?
_ Өнімділікті қалай табамыз?
_ Өнімділік массасын қалай белгілейміз? Оны қалай табамыз?
_ Ауданды қалай табамыз? Ол қалай белгіленеді?

Сабақтың ортасы 28 мин

3. Сабақтың тақырыбы және оқу мақсаттарымен таныстыру. Жетістік критерийлерін анықтау

_ Ауданды, өнімділікті, өнімділік массасын анықтау не үшін қажет? (Өмірмен байланыстыру)
4. Кіріспе тапсырма
_ Аудан өлшем бірліктерін өсу ретімен орналастыр. Қандай сөз шықты? Ол туралы не білесің?
(Мақсаты: өлшем бірліктерін еске түсіру және ортақ тақырыпқа байланысты табиғат құбылыстары бойынша қазақ халқының ауа райын болжау әдістері туралы қысқаша танымдық мәлімет беру)
_ Ағашта қырау болса, күн жылиды.
_ Қырау қалың түссе, кешікпей қар жауады деп күтіледі.
_ Түнде қырауланса, күндіз жауын жаумайтынының белгісі.
_ Жерге жұқа қырау түссе, күн жылынады.

5. Тапсырма орындау ( Ұжымдық жұмыс)
«Үндемес ойын» (Ламинатталған А4 парағына тек жауабын жазады)
600ар =… га
… ар = 90 га
3 га =… ар
416000ар =… га
… ар = 23700 га
… га = 7400 ар
52 га =… ар
… га = 71200 ар

(Мақсаты: шамалардың өлшем бірліктерін дұрыс пайдалануына назар аударамын)
Бағалау:
«Сағат тілі» оқушылар жұмыстарын ауыстыра отырып тексереді.
Бағалау критерийлері:
_ Аудан бірліктерін олардың арасындағы қатынасты дұрыс түрлендіреді.
_ Түрлендіру жолын түсіндіріп береді.

Мұғалім: Кушкинбаева Гулсин Сайдохматовна
Шамалар арасындағы тәуелділік. Табиғат құбылыстары бөлімі. жүктеу

Шамалар арасындағы тәуелділік табиғат құбылыстары бөлімі аудан масса алгоритм дөңгелек диаграмма

© Дереккөзі

Рейтинг
( No ratings yet )
Осы жазба ұнады ма? Достарыңызбен бөлісіңіз:
Бәрі бар