Түбір сөз бен туынды сөз | Бастауыш сынып

Қазақ тілі 3 сынып
Сабақтың тақырыбы: Түбір сөз бен туынды сөз

Сабақ барысы.
І. Қызығушылықты ояту.
Психологиялық дайындық
Баяу әуенмен «Балалық шақ» әуені ойналып тұрады.
Мұғалім:
Қатар – қатар тізіліп,
Оқушыға лайық
Қолымызды жіберіп
Түп – түзу боп тұрайық.
Жақсы оқып сабақты
Әдеп сақтау сәніміз
Отыруға нақпа – нақ
Дайындалдық бәріміз
1 – қатар жай отыр,
2 – қатар тез отыр,
3 – 4 – қатар сен де отыр.
Сабақ бастар кез боп тұр.

ІІ. Көркем жазу минуты.
Оқушылар дәптерді ашып, бүгінгі күннің ретін жазады
Қолға қалам алайық,
Салақтықтан қашайық.
Дәптерімізді ашайық.
Көркем етіп жазайық.

ІІІ. Үй тапсырмасын сұрау кезеңі. Жан – жақты білімдерін тексеру.
«Бал жинау» ойыны. Ойынның шарты: араларда жазылған жұрнақтарды сәйкес келетін гүлге қондыру. Жұрнақтарды жалғағанда қандай сөздер шықты? Бұл сөздерді туынды сөздер деп атаймыз. Себебі, жұрнақ арқылы бұл сөздерден жаңа сөздер шықты.

Жаңа сабақ. Түбір сөз және туынды сөз.
І. Қызығушылығын ояту кезеңі.

Семантикалық карта
———-
«Оқымай білім жұқпас, Білімсізден өнер шықпас». Оқулықпен жұмыс.
Оқулықтарыңдағы 120 – беттегі 19 – жаттығуды таба қойыңдар.
Түбір сөзге тиісті жұрнақтарды қосып жаз.
Жұмыс, дос, сый, – лық
Талап, қызмет, – шы, – ші
Дойбы, ас – кер, – тық

ІІ. Мағынаны тану кезеңі

Ереже:
Түбір сөзге жұрнақ қосылу арқылы жасалған сөзді туынды сөз дейміз. Мысалы: ерлік, татулық, жұмысшы.

20 – жаттығу. Сөздерді оқы. Олардың қайсысы түбір сөз, қайсысы туынды сөз екенін айт.

Оқушыларды ПАЗЛ ойыны арқылы топтастырады. Оқушылар құрастырғыштың бір – бір данасын алады да, әркім өз суреті бойынша топтасады.
Топтық жұмыс
I топ. Түбір сөздерді тап.
Өнер, ек, жарыс, іс, егін, жаз.
II топ. Туынды сөздерді тап.
Жазушы, ертең, сарғыш, ертеңгі, көңілді, балапан.

21 – жаттығу. Мақалды оқып, жатқа жаз.
Білімдіден ақыл шығар,
Ақылды қарттан нақыл шығар.
 Туынды сөздерді тауып, оларды сөз құрамына талда.
 Мақалдың мағынасын қалай түсінгеніңді айт.

Қызылорда қаласы, №257 орта мектеп,
Бастауыш мектеп мұғалімі: Жүнісова Шолпан

Толық нұсқасын жүктеу


Түбір сөз бен туынды сөз ашық сабақ қазақ тілі 3 сынып бастауыш сынып жұрнақтар

© Дереккөзі

Рейтинг
( No ratings yet )
Осы жазба ұнады ма? Достарыңызбен бөлісіңіз:
Бәрі бар