Ұстаздардың жалақысы екі есе артады

Ұстаздардың жалақысы

1 қаңтардан бастап мұғалімдердің жалақысы 25 пайызға өседі.

Білім және ғылым министрі Асхат Аймағамбетов 1-2 жылдың ішінде ұстаздардың жалақысы екі есе артатын айтты.

Бүгінгі «Үздік педагог – 2020» байқауының жеңімпаздарын марапаттаған Білім және ғылым министрі Асхат Аймағамбетов ұстаздарды төл мерекесімен құттықтады.

 «Адамның адамшылығы жақсы ұстаздан» деп ұлы Абай айтқандай, ең басты маман ол – ұстаз. Өйткені ұстаз барлық маманды тәрбиелейді, бәріне білім береді. Бүгінде мемлекетімізде ұстаздардың мәртебесін көтеру, оларға тиісті жағдай жасау үшін үлкен іс-шаралар басталып, жүзеге асырылуда», – деген министр шара барысында биыл 1 қаңтардан бастап мұғалімдердің жалақысы 25 пайызға өсетіні айтты.

Жалпы 1-2 жылдың ішінде ұстаздардың жалақысы 2 есе артатын болады. «Педагогтардың мәртебесі туралы арнайы Заңның аясында 70-тен астам бұйрық пен қаулы қабылданып, қолданысқа енгізілді. Өте үлкен проблемалар болды. Оны білеміз. Осы мәселелерді шешу үшін ел Президентінің тапсырмасы аясында кешенді жұмыстар іске асырылды», – деді ол. Асхат Аймағамбетовтің атап өтуінше, Ұлттық бірыңғай тестілеудің нәтижесінде биыл «Алтын белгі» алған түлектердің ішінде мұғалім мамандығын таңдағандар 2 есе өсті.

1 қыркүйектен бастап педагог мамандығы бойынша білім алып жүрген студенттердің шәкіртақысы 26 мыңнан 42 мыңге дейін артқанын жеткізді.

© https://aikyn.kz/