Жылыту пеші жарылып, екі адам зардап шекті

Жылыту пеші

Жылыту пеші жарылып, екі адам зардап шекті

Алматы облысында жеке үйдегі пештің жарылуы салдарынан екі адам зардап шекті: әйел мен ер адам. Бұл туралы Stan.kz ақпарат агенттігі хабарлайды.

Облыстық ТЖД баспасөз қызметінің хабарлауынша, қайғылы оқиға 28 қыркүйек күні Кербұлақ ауданы Сарыөзек ауылындағы жеке үйлердің бірінде болған. Деректерге сәйкес, үй иелері суық ауа райының басталуына байланысты пешті жағуға тырысқан, бірақ жүйеде судың бар-жоғын тексермеген.

«Нәтижесінде қатты отынмен жанатын жылыту пеші жарылды, одан кейін жалпы алаңы 2 шаршы метрді құрайтын пеш пен үйдің қабырғасы жартылай қирады. Екі адам зардап шекті: 57 жастағы үй иесі және оның 35 жастағы ұлы. Аяғы күйген әйел, аяғы сынған ер адам аудандық ауруханаға жатқызылды. Қазір олардың жағдайы орташа дәрежеде деп бағаланады», – деді облыстық ТЖД баспасөз қызметі.

Ведомствоның мәлеметінше, жарылыстың алдын ала себебі – қатты отынмен жұмыс істейтін пешті пайдалану ережелерін бұзу, атап айтқанда жылыту жүйесінде судың болмауы.