Тоқаев маңызды мәселе туралы айтты

12469040

Туристер саны артқан соң қызғылт көлдің тұз қоры азайды. Кейбір адамдар тұзды коронавирустан емдейтін «дәрі» ретінде сатып жатыр

НҰР-СҰЛТАН, 22 шілде – Sputnik. Президент Қасым-Жомарт Тоқаев кейбір азаматтардың қызғылт түсті Көбейтұз көліне қатысты әрекеті туралы айтты.

«Азаматтардың табиғи демалыс орындарындағы жаппай мәдениетсіздігі тоқтамай тұр. Отандастарымыздың ерекше қызғылт түсті «Көбейтұз» көліне келтірілген орасан зор зиянға қатысты алаңдаушылығы орынды», – деп жазды прзидент Twitter-дегі парақшасында.

Мемлекет басшысы бұл жағымсыз әрекеттер өскелең ұрпаққа жүргізілетін экологиялық ағарту жұмыстарының түйткілдерін ашып бергенін айтты.

«Білім, экология, ақпарат министрліктері бұл мәселені жұмыстарының басым бағыты ретінде қарастыруы керек», – деді ол.

Әлеуметтік желі қолданшылары адамдар көлдегі тұзды қап-қабымен әкетіп, коронавирустан қорғайтын «дәрі» ретінде сатып жатқанын жазған болатын. Билік Көбейтұз және Қоржынкөл көлдерін жекеменшік секторға 49 жылға жалға беруді шешті.

 

Посмотреть эту публикацию в Instagram

 

Мы делаем индивидуальные выезды для семей и компании друзей ✌️

Публикация от Поездки на розовое озеро ❤️ (@kobeituz_tur)

Бұдан бөлек көлігімен Көбейтұзға кіріп кеткен жүргізуші де қазақстандықтардың ызасына тиді. Полицейлер оны әкімшілік жауапкершілікке тартты.

Айта кетейік, аталған тұзды суда дуналиелла балдыры гүлдейтіндіктен, Көбейтұз көлі қызғылт түске ие.

Ақмола облысы мен Ерейментау аймағындағы эпидемиологиялық жағдай тұрақталғанға дейін: Көбейтұз, Теңіз, Құрбет, Қоржынкөл көліне және Ерейментау ауданының аумағында орналасқан барлық көлдерге баруға тыйым салынған болатын.