Назарбаевтың келіні қайтыс болды

6bdf956b3f3e96efd6f05ae5fd815d60 scaled

Елбасының келіні Шамалған ауылының маңындағы Шұбарат зиратына жерленді. Зиратқа карантинге байланысты ешкімді кіргізбеген

НҰР-СҰЛТАН, 30 маусым – Sputnik. Елбасының туған бауыры Болат Назарбаевтың әйелі Гүлжан Назарбаева қайтыс болды. Суыт хабарды Sputnik Қазақстан тілшісіне Айша қоғамдық қорының директоры Айша Оразбай растады.

«Гүлжан кеше қайтыс болды. Бүгін жерледі. Ол кісінің бұрыннан жүрегі ауырады екен, содан қайтыс болды, басқа ауру емес», – деді Айша Оразбай Sputnik Қазақстан тілшісіне.

Айтуынша, Елбасының келіні Шамалған ауылының маңындағы Шұбарат зиратына жерленген.

«Шұбаратқа жерледі. Ол жерде тұңғыш президенттің әке-шешесі жатыр. Бірақ, карантинге байланысты ешкімді кіргізбеді», – деді ол.

Болат Назарбаев Қазақстанның тұңғыш президенті Нұрсұлтан Назарбаевтың туған інісі. Қазір жасы 67-де. Ашық деректерге сүйенсек, Елбасының бауыры «Салиқалы Ұрпақ» қоғамдық қорының негізін қалаушы, BN Invest холдингінің жетекшісі. Бірнеше рет үйленген.