ҚАЗАҚСТАНДА КОРОНАВИРУС ЖҰҚТЫРҒАНДАР САНЫ 120 АДАМҒА ЖЕТТІ

2020 03 27 09 44 22

Жамбыл облысында тағы бір адам коронавирус инфекциясын жұқтырды, өңірде науқастардың саны үш адамға жетті, – деп хабарлайды newsRoom+ ақпарат агенттігінің тілшісі.

Қазақстанда коронавирус жұқтырған 120-шы науқас тіркелді, деп хабарлады coronavirus2020.kz ресми порталы.

Қауіпті инфекцияны Алматы қаласында 7 адам, Жамбыл облысында 1 адам жұқтырды. Осылайша Қазақстанда індетке шалдыққандардың саны 120 адамға жетті.   «Нұр-Сұлтан қаласында – 60, Алматы қаласында – 47, Қарағанды қаласында – 4, Шымкент қаласында – 2, Алматы облысында – 1, Ақтөбе облысында – 1, Жамбыл облысында – 3, Солтүстік Қазақстан облысында – 1, Ақмола облысында – 1 адам, жалпы 120 науқас тіркелді», – делінген хабарламада.