Нығматулин кейбір депутаттардың неге жұмысқа шықпағанын түсіндірді

photo 313605

Мәжіліс төрағасы Нұрлан Нығматулин кейбір депутаттардың неге жұмысқа шықпағанын түсіндірді, деп хабарлайды Tengrinews.kz тілшісі. 

Бүгін мәжілістің жалпы отырысында кейбір депутаттардың орны бос тұрды. Оның себебін Нұрлан Нығматулин айтты.

«Бүгін мәжілістің жалпы отырысы өзгертілген форматта өтіп жатыр. Кейбір әріптестеріміз бүгінгі отырысқа қатысып жатқан жоқ. Бірақ қорқыныш болмағаны жөн. Барлығы дін-аман. Дүниежүзілік денсаулық сақтау ұйымының ұсынысына сәйкес, 65 жастан жоғары кейбір әріптестерімізге жалпы отырыстан бас тартып, үйде отыруға кеңес бердік. Бізге кворум мәжілістің жалпы отырысын осындай форматта өткізуге мүмкіндік береді«, – деді ол.

Айта кетейік, мәжілісте 104 депутат бар. Олардың 23-і бүгін жұмысқа шықпаған.

Еске салайық, соңғы мәлімет бойынша, Қазақстанда коронавирус жұқтырғандардың саны 88-ге жетті.