Жексенбі, Сәуір 5, 2020

«Қазақ туған күнді емес, өлген күнді жасайды»: Балғынбек Имаш оқырмандарына өткір сауал қойды

Көп оқылды

«ҚАЛАУЛЫМ» ЖАБЫЛДЫ!

Талай жанға ермек болған, талай жанның ашуын кернеген "Қалаулым сен" бағдарлама өз жұмысын тоқтатты, деп жазады NewsRoom+ ақпарат агенттігінің...

ӘРБІР БЕСІНШІ ДӘРІГЕР КОРОНАВИРУС ЖҰҚТЫРҒАН

Біріккен Ұлттар Ұйымының мәліметінше, әлем бойынша медицина қызметкерлерінің 20 пайызы коронавирус жұқтырған. БҰҰ COVID-19 жұқпасымен күресіп жатқан дәрігерлердің басым...

Енді көшеде маскасыз жүргендер айыппұл төлейді

Өзбекстанда барлық азаматқа маска тағу міндеттелді, деп хабарлайды newsroom.kz тілшісі. Енді 23 наурыздан бастап елде бетті тұмшалайтын қорғаныс құралдары...

Айтыста майдан қылшық суырғандай етіп, әр сөзін астарлап айтатын танымал айтыскер ақын көпшілікке өткір сауал қойды. Ол 
«Кітап оқудың орнына телефон шұқылап жүрген жастарға, намаз оқудың орнына сериал мен «Қалаулым» көріп отырған үлкендер не ақыл айтсын?» деп қазақ қоғамының рухани құндылықтарына немқұрайлы қарамайтындығын білдірді, деп хабарлайды Skifnews.kz ақпарат порталы. 

Instagram парақшасындағы жазбасында аста-төк дастарқан жайып, жұлдыздарды шақырып мақтануға келгенде алдына жан салмайтындарды сынаған ақын той жасамай-ақ жастарды үйлендіруге болатынын жеткізді.

«Той Тәңірдің қазынасы» деп аста-төк дастарқан жайып, ұлан-асыр той жасап, жұлдыздарды шақырып, мақтануға келгенде біз қазақ алдымызға жан салмаймыз. Осы мақтанатын нәрсе ме? Абай айтқан жоқ па «Ғылым таппай мақтанба» деп? Ал біз ше? Ғылым іздендік пе? Өнер үйрендік пе? Бұл жердегі өнер тойда ән салып, би билеу емес. Кәсіп – жасампаздық, ақылмен ойлап, он саусақтан туған өнер.

Біздің мақтан – риякерлік, бәсеке, мал шашпақ, ысырапшылдық.

Мынау коронавирус деген індетке бола жасалып жатқан шаралардың пайдасы да жоқ емес. Ең алдымен, көп адам жиналуға болмайды деген желеумен той-жиындар тоқтады. Иә, тойхана, ресторан иелері, асаба, әнші, музыканттар зиян шегуде. Бірақ, ысыраптан қазақ аман ғой. Кредит алып, қарызға батып, ұят болады деп алаөкпе болмай, тойсыз да жастарды үйлендіруге, баланы сүндетке отырғызуға, жаңа қонысқа кіруге, бесікке салуға, тұсау кесуге болады.

Ал енді туған күн, мерейтой деген қазақтың ата дәстүрінде атымен болған емес. Қазақ туған күнді емес, өлген күнді жасайды, яғни, ас береді. Қонақасы, жетісі, қырқы, жүзі, жылы деп ас бергенді естігенбіз. Ал 30 жылдық, 40, 50, 60, 70, 80 жылдық деген кеңестік кезден жұққан кесел. Ажалға, қабіріне, Раббысына қауышатын сәтке жыл санап емес, күн санап, сағат санап жақындап келе жатқан адам не деп той тойлайды?», – деп желідегі оқырмандарына ойлануға тұрарлық сауал қойды.

Мерейтой дегеннің қазақтың дәстүрінде болмағанын жазған Балғышбек Имаш бұл пікірімен тоқтап қалмай, қыруар қаржыға той жасап үйленген жастардың бір жыл өтпей ажырасып тынатындарына қапаланды.

«Зауыт пен фабрика салудың орнына ресторан мен тойхана салып, мешіт пен медресе салудың орнына казино мен букмекерлік орталықтарды қаптатқан елдің болашағы не болмақ?

Кітап оқудың орнына телефон шұқылап жүрген жастарға намаз оқудың орнына сериал мен «Қалаулым» көріп отырған үлкендер не ақыл айтсын?

Ең сорақысы не, айтайын ба? Ресторанда миллиондар жұмсап той жасап берген жастарымыздың үштен бірі – бір жылға жетпей, қалған жартысы бес жыл ішінде ажырасып жатыр! Той жасап бәсекеге түскенше ұлдарымызды шаңырақ иесі болуға, отбасын асырауға, кәсіп істеуге, ал қыздарымызды от анасы болуға, келін болуға, жар болуға үйретсек еді.

Асабалар мен әнші, шоумен, жұлдыздарға ұнамайтын шығар сөзім. Бірақ, тойдың ақшасынан береке аз, кәсіп үйренейік, ғылым іденейік, елге масыл болмай, керісінше, өрге сүйрейік, бауырлар», – деп  дүйім жұртты еңбек етіп, кәсіп қылуға шақырды.

1 Пікір

  1. Балғынбек бауырым! Сенің Аллаға сыйынып намаз оқитыныңның куасімін.Бірақ сен және қасыңдағы Алла;Құдай деп маңдайларын жерге соғып жүргендерге,Ешқандай Алла,Құдай жоқ.Қазақта болған да емес,Қазақ өмір бойы Тәңіріне табынған-ол табиғат.Сондықтан Сен кәпірлермен күрес егер шын мұсылман болсаң.Кәпірлердің тек Алматыда 47 шіркеуі тұр.Сонда сенің құдайың – өзіңмен не қарап жүрсіңдер. Мына кітапты Шежіре-«Ұлы пайғамбар және үрпақтары»- оқы.Мүмкін көп шындықты түсінерсің,
    Төлеубек ағаң.

Пікір қалдыру

Пікіріңізді енгізіңіз!
Есіміңізді енгізіңіз

Соңғы жаңалықтар

Абаев биыл қазақстандықтар Рамазан айын қалай өткізетінін айтты

Қазақстан билігі коронавирустың таралуына байланысты діни бірлестіктерге мерекелік рәсімдерді онлайн режимде өткізуді ұсынды. Ақпарат және қоғамдық даму министрі Дәурен Абаев...

«Біздің интернеттің онлайн сабақтарды көтеруге қауқары жоқ»: Білім министрі онлайн оқытудан бас тартты

Білім және ғылым министрі Асхат Аймағамбетов қашықтықтан оқыту кезінде байқалатын кемшіліктерді атады, деп хабарлайды Stan.kz ақпарат агенттігі.  "1 сәуір күні сынама сабақ өткізілген болатын. Еліміздің аумағында 2...

Онлайн жерлеу рәсімі: Коронавирустан көз жұмған жеткіншектің жақындары оны ақтық сапарға шығарып сала алмады

Ұлыбританияда коронавирустан көз жұмған 13 жастағы жеткіншектің жерлеу рәсіміне оның анасы мен бес бауыры қатыстырылмапты. Ұл баланың денесін қорғаныш киімін киген бөтен адамдардың жер...

Түркістан облысында карантин мерзімі ұзартылды

Азық-түлік дүкендері мен дәріханалардың жұмыс уақыты таңғы тоғыздан, кешкі сегізге дейін деп белгіленсе, азық-түлік базарларының жұмыс кестесіне де өзгеріс енгізілген. Sputnik. Түркістан облысындағы карантин 17 сәуірге...

Елордада төтенше жағдай басталғалы бері екі бала терезеден құлаған

Елордалық полиция департаменті кәмелетке толмаған балалардың карантиндік жағдайдағы қауіпсіздігіне ерекше назар аударуды сұрайды, - деп хабарлайды Нұр-Сұлтан әкімдігінің ресми сайты. "Елордада төтенше жағдай басталғаннан бері балалардың...

«Алматыда жаңадан карантин орталығы бой көтереді» – Сағынтаев (ВИДЕО)

Алматыда коронавирус індетін жұқтыруы ықтимал және науқас адамдармен байланыста болған жандарға арналған карантин орталығы салынады. Бұл туралы Алматы қаласының әкімі Бақытжан Сағынтаев Instagram парақшасында...