Нұр-Сұлтандағы өрт салдарынан бір адам қаза болды

Загрузка...

Өрт сөндірушілер жиырма адамды отқа оранған ғимараттан алып шықты. Алайда бір адамның өмірін сақтап қалу мүмкін болмады.

Sputnik. Елордадағы бесқабатты үйден өрт шықты. Өрт сөндірушілер жиырма адамды құтқарды, оның тоғызы бала, деп хабарлады төтенше жағдайлар қалалық департаменті.

«Сағат 14.14-те «101» пультіне Күйші Дина, 39/1 мекен-жайындағы тұрғын үйде өрт шыққаны туралы хабарланды. Өрт сөндірушілер 7 минуттан соң оқиға орнына жетті», – деді департаменттегілер.

Пожар в жилом доме по улице Куйши Дина
© PHOTO : ДЧС НУР-СУЛТАНА
Өрт сөндірушілер жиырма адамды құтқарды

Бір адам қаза болды. Алдын ала мәліметке сәйкес, 12 адам зардап шеккен. Оның жартысы – бала. Бәрі ауруханаға жеткізілді.

Мамандар жиырма адамды құтқарды. Олардың жартысына жуығы бала. Өкінішке қарай, пәтерлердің бірінде өрт сөндірушілер 1987 жылы туған әйелдің денесін тапты.

Пожар в жилом доме по улице Куйши Дина
© PHOTO : ДЧС НУР-СУЛТАНА
Оқиға салдарынан зардап шеккен алты бала мен алты ересек адам ауруханаға жеткізілді

Өрттен зардап шеккендердің жағдайы туралы Sputnik Қазақстанға астаналық денсаулық сақтау басқармасындағылар айтты.

«Алты бала мен алты ересек адам ауруханаға жеткізілді. Жағдайлары тұрақты, ем қабылдап жатыр», – деді ведомствода.

Өрттің себебі анықталып жатыр.

Загрузка...
Like this post? Please share to your friends:
Qazbrand.info
Пікір үстеу

;-) :| :x :twisted: :smile: :shock: :sad: :roll: :razz: :oops: :o :mrgreen: :lol: :idea: :grin: :evil: :cry: :cool: :arrow: :???: :?: :!: