Қытайдан тағы 217 қазақстандық елге оралды

2020 02 11 10 26 14

Қытайдан тағы 217 қазақстандық елге оралды

Бұған дейін Ухань қаласынан санавиация арқылы 83 қазақстандық елге оралған еді, сондай-ақ Қырғызстан, Беларусь және Армения азаматы эвакуацияланды

НҰР-СҰЛТАН, 11 ақпан – Sputnik. Қазақстан Қытайдан тағы 217 азаматты эвакуациялады, деп хабарлайды Sputnik Қазақстан тілшісі.

«Бүгін таңғы 6.05-те Бейжіңнен 217 қазақстандық жеткізілді. Олар барлығы арнайы медициналық ұйымға орналастырылып жатыр. Араларында науқас адамдар тіркелген жоқ», – деді денсаулық сақтау министрі Елжан Біртанов үкімет отырысында.

Олар карантин аймағынан эвакуацияланбағандықтан, небәрі үш күнге ғана карантинге жабылады.

Бұған дейін 1 ақпанда Ухань қаласынан санавиация арқылы 83 қазақстандық елге оралған еді. Сондай ақ 18 Қырғызстан азаматы, Беларусьтің бес азаматы және бір Армения азаматы эвакуацияланды. Олардың арасында коронавирус тіркелген жоқ.

Мемлекет басшысының тапсырмасымен осы жылдың 27 қаңтарында премьер министр орынбасарының төрағалығымен Қазақстанда коронавирустың пайда болуы мен таралуына жол бермеу шараларын үйлестіру жөніндегі ведомствоаралық комссия құрылды. Оның құрамына барлық мүдделі мемлекеттік органдар мен облыстардың, және Нұр-Сұлтан, Алматы, Шымкент қалаларының әкімдіктері кірді.

Кезең-кезеңмен екі ел арасында жолаушылар тасымалы тоқтады. Үкіметтік резервтен қосымша қаржы бөлінді.

Бүгінгі жаңалықтар