Ер адам көрген түсінің арқасында байып кетті

Ол қаражатты жаңа үй сатып алуға жұмсауға жоспарлап отырғанын айтты. Қалыңдығымен бөлісу де ойда бар

АҚШ-тың Норт-Чарлстон қаласының тұрғыны түсінде лотереядан қомақты қаржы ұтқанын көрген. Кейін лотерея сатып алып, 250 мың доллар (97 млн теңгеге жуық) көлеміндегі олжаға кенелді.

Кевин Миллер ақша ұтқанын түсінде көріпті. Бірнеше күннен соң лотерея сатып алуға бел буған, деп хабарлайды United Press International.

«Соңғы сәтте лотерея алмайтын шығармын деп ойладым. Өйткені кезекте менің алдымда тұрған жігіт ұзақ уақыт лотерея таңдай алмай тұрды», — дейді Миллер.

Алайда ер адам кетпей, кезегін күткен. Кейін 250 мың доллар ұтқанын білді.

Ол қаражатты жаңа үй сатып алуға жұмсамақ. Қалыңдығымен бөлісуді де жоспарлап отыр.

Бұған дейін қазақстандықтың Dubai Duty Free дүкені өткізген лотереядан бір миллион доллар ұтып алғаны туралы жазған болатынбыз. Ұйымдастырушылар сәтті билеттің иесіне хабарласа алмай, іздеді.