Ақмолада азамат ойнас әйелін өртеп жіберді

Отбасылық жанжал кезінде ол жәбірленушінің үстіне солярка құйған.

Ақмола облысы Белағаш ауылының 25 жастағы тұрғыны азаматтық некедегі әйелінің үстіне солярка шашып, өртеп жіберген, деп хабарлайды Tengrinews.kz, өңірлік ПД баспасөз қызметіне сілтеме жасап.

Полиция мәліметінше, 25 қарашада Жақсы аудандық полиция бөліміне орталық аудандық аурухананың кезекші дәрігері хабарласып, қабылдау бөліміне беті мен мойнын термикалық күйік шалған Белағаш ауылының 32 жастағы тұрғыны түскенін айтқан.

«Тергеу барысында құқық қорғау органдары қызметкерлерінің анықтауы бойынша, отбасылық жанжал кезінде 25 жастағы күдікті (бұрындары сотталмаған) мас күйде жәбірленушінің үстіне солярка құйып, өртеп жіберген», – делінген хабарламада. Қазіргі уақытта күдікті қамауға алынды, оған қатысты ҚР Қылмыстық кодексінің 24-бабы 3-бөлімі, 99-бабы, 1-бөлігі бойынша сотқа дейінгі тергеу шаралары жүріп жатыр. Кінәсін мойындады.