«Әкем хаттар алып жатыр» Әлия Назарбаева елдегі жағдайға пікір білдірді

Әлия Назарбаева

Қазақстанның тұңғыш президенті Нұрсұлтан Назарбаевтың кенже қызы Әлия Назарбаева Алматы трагедиясына қатысты пікір білдірді деп жазды sputnik.kz.

«Елде болып жатқан жағдайды жүрегіммен сезініп жатырмын. Зардап шеккендер мен қаза болғандардың қайғысы мен өкінішті жеткізуге сөз таппай отырмын. Қаза болғандардың отбасына қайғырып көңіл айтамын. Бұл қатаң сабақ барлығымыз үшін ел тарихындағы осындай соңғы оқиға болсын. Адамдардың бейбіт кезеңде қаза болып жатқаны дұрыс емес», – деп жазды Әлия Назарбаева әлеуметтік желідегі парақшасында.

 

Посмотреть эту публикацию в Instagram

 

Публикация от Aliya Nazarbayeva (@aliya_nazarbayeva_official)


Ол сондай-ақ желідегі оқырмандарына жылы лебіздері үшін алғыс айтты.

«Қазіргі кезеңде әкемді моральдық жағынан қолдап жатқандарыңыз үшін алғысымды білдіремін. Әкем елдің әр аймағындағы тұрғындардан көптеген хабарлама алып жатыр. Қазақстанға бейбітшілік пен гүлдену, қазақстандықтарға амандық пен денсаулық тілеймін», – деп жазды Назарбаева.