Қостанайда үйдің жертөлесінде жойқын жарылыс болды: Екі адам ауыр халде жатыр

ostanajda үjdiң zhertөlesinde zhojқyn zharylys boldy eki adam auyr halde zhatyr 7dea1b0

16 қыркүйекте Қостанайда жер үйдің жертөлесінде жарылыс болды. Оқиға орнында үш адам болған, деп хабарлайды Stan.kz ақпарат агенттігі. 

Қостанайда үйдің жертөлесінде жойқын жарылыс болды: Екі адам ауыр халде жатыр

"Бұл үйде үш ер адам монтаждау көбігімен жұмыс істеп жүрген, қабырғаны тығыздап жатты. Бөлмеде газ жиналып қалды. Ер адамдардың бірі тұтанған темекімен жертөлеге түсті. Салдарынан жарылыс болды. Бәрінің денесі қатты күйді, ауыр хәлде жатыр", – деді оқиға куәгерлері.

Белгілі болғандай, жертөледе жиналған газ-ауа қоспасы темекі түтініне жарылған. Шақырту орнына дереу өрт сөндіру қызметінің жеке құрамынан 9 адамнан тұратын өрт сөндіру жасағының екі экипажы жіберілді. 

"Құрылыс көбігін пайдалану кезінде жарылыс, өртке қауіпті газ-ауа қоспасының жоғары концентрациясы пайда болған, бұл кейіннен мақтаға алып келген. Құрылысшылар пайдаланған бұл полиуретанды жылытқыш құрамында дифенилметандиизоцианат бар, ол жабық үй-жайда жоғары концентрацияға жеткенде және от көзі болған кезде жарылыс қаупіне ие", – деп хабарлады Қостанай облысының ТЖД.

Зардап шеккен үш адам да Қостанай қалалық ауруханасына жеткізілген.

"1995 жылғы ер адамның басын, кеудесі мен аяқ-қолын үшінші дәрежелі күйік шалды, терісінің 80%-і күйді. 1984 жылғы ер адамның терісінің 35%-і күйді, басы, кеуде тұсы мен тыныс жолдарын үшінші дәрежелі күйік шалды. Екеуі де жансақтау бөлімінде жатыр", – деп нақтылады облыстық денсаулық сақтау басқармасының баспасөз хатшысы Ксения Жылқыбаева.

Ал 1983 жылғы үшінші азаматтың беті мен басының бір бөлігін екінші дәрежелі күйік шалған, барлығы 12%. Ол ауруханаға жатудан бас тартты.

Источник stan.kz

Rating
( No ratings yet )
Like this post? Please share to your friends: