Взводтардың жауынгерлік атысы

Аягөз гарнизонының танк әскери бөлімінде жауынгерлік даярлық жоспарына сәйкес бөлімшелердің далалық шеберліктерін және үйлесімділігін жетілдіру мақсатында взводтардың жауынгерлік оқ ату даярлығы жүргізілуде.

Осы жылдың ыстық күн райына қарамастан атыс сабақтары далалық жағдайда жүргізілуде. Тактикалық іс-қимылдармен қаруды шебер қолдану және бөлімшелердің оқ атуын басқару, сонымен қатар қауіпсіздік шараларын қатаң сақтау шаралары басты назарда болады. Жеке құрам бөгде жерде ұрыс қимылдарын жүргізу сынды, өзара іс-қимылды ұйымдастыру, взводтың атысын басқару мәселелерін пысықтайды, сондай-ақ ұрыс машиналарын қозғалыс кезіндегі ату шеберлігін жетілдіреді.


– Танк әскери бөлімінде взводтардың жауынгерлік атыс даярлығы басталды. Мұнда әскери қызметшілер өз іс-қимылдарын штаттық жауынгерлік техникаларда практикалық атыс пен тактикалық дайындық нормативтерін орындап, сонымен қатар сынақтар тапсыратын болады. Барлық сабақтар санитарлық нормаларды қатаң сақтай отырып өтеді. Жеке құрамның моральдық-психологиялық жағдайы жоғары деңгейде. Тамыз айы соңында атыс даярлықтарын қорытындылайтын боламыз, – деді бөлім командирінің жауынгерлік даярлық жөніндегі орынбасары подполковник Асхат Шайкенов.


Жауынгерлік атысты қамтамасыз ету үшін жеке құрам штаттық қарулардан оқ атып, жекелеген мақсаттар бойынша жаяу әскердің жауынгерлік БМП машинасына орнатылған зеңбіректерден түнгі және күндізгі уақыттарда нысаналарды көздеп оқ атуды, сондай-ақ нақты жауынгерлік жағдайда дәлдеу тапсырмалары мен нормативтерін орындайды.

Аягөз гарнизонының баспасөз қызметі