Оқушылар да мектепке Ashyq қосымшасымен кіре ме? Білім министрі жауап берді

Білім және ғылым министрі Асхат Аймағамбетов Ashyq қосымшасы мектептерде қалай қолданылатынын айтып берді, деп хабарлайды Stan.kz ақпарат агенттігі. 

Оқушылар да мектепке Ashyq қосымшасымен кіре ме? Білім министрі жауап берді

"Ashyq жүйесімен қамтамасыз етуге қатысты сұрақтар бар. Бұл қосымшаны мектепте кім қолданады? Қолданушылар: қызметкерлер, мұғалімдер, ал балабақшаларда баланы алып келушілер болуы мүмкін. Бұл іс-шара ең алдымен үлкендерге бағытталған. Университеттерде студенттер тексеріледі. Әзірше оқушылар жайында сөз қозғап отырғанымыз жоқ. Оны болашақта уәкілетті органдармен бірге талқылайтын боламыз. Ересектерді қамту қажеттігін түсінеміз, әрі қарай да назарда ұстаймыз", — деді Асхат Аймағамбетов Tengrinews.kz ақпараттық порталына берген сұхбатында.

  • Аймағамбетов: Бір оқушыдан вирус табылса, бүкіл сынып қашықтан оқуға жіберіледі
  • Оқушылар өз қалауы бойынша онлайн оқуына бола ма? Аймағамбетов жауап берді

Оның атап өтуінше, оқушының, студенттің ата-анасы немесе білім алушының өзі ауырып қалса, онда одан аурудың клиникалық белгілері мен симптомдары байқалмаса да білім ордасына кіргізілмейді. Ал білім алушының сыныптастары немесе студенттің бір топтағы курстастары толықтай қашықтан оқу форматына көшіріледі.

Айта кетсек, Қазақстанның мектептері мен ЖОО-лары 1 қыркүйектен бастап дәстүрлі білім беруге қайта оралады. 

Источник stan.kz