Ауыл шаруашылығы министрі жем-шөп бағасының өсуіне БАҚ-ты кінәлады

auyl sharuashylyғy ministri zhem shөp baғasynyң өsuine baҚ ty kinәlady 4321502

Ауыл шаруашылығы министрлігінің басшысы Ербол Қарашөкеев азық-түлікпен қамтамасыз ету бойынша жедел штаб отырысын өткізді. Шенеунік жем-шөп бағасының өсуіне бұқаралық ақпарат құралдарындағы кейбір жарияланымдар кінәлі екенін айтты, деп хабарлайды Stan.kz ақпарат агенттігі.

Ауыл шаруашылығы министрі жем-шөп бағасының өсуіне БАҚ-ты кінәлады

Ауыл шаруашылығы министрлігі басшысының айтуынша, бағаның белгіленуіне бұқаралық ақпарат құралдары мен сарапшылардың болжамдары маңызды рөл атқарды.

Оның айтуынша, БАҚ-тың мәселелерді тым әсірелеп жазған мақалалары саудагерлердің жем-шөп бағасын көтеруге итермелеген. Осы жазда зардап шеккен Маңғыстау және Қызылорда облыстарының малшыларына мал азығын сатып алу шығындарын азайту үшін мемлекеттен ақша бөлінеді. 

“Бұл мәселе болған кезде Үкімет резервінен 1,9 миллиард теңге бөлінді. Жеке қосалқы шаруашылықтарға 40 %  және шаруа қожалықтары арасында 60%”,- дейді министр. 

Ақтөбе облысы көршілеріне көмекке жергілікті бюджеттен бес миллиардтан астам теңге бөліп отыр. Бұл ақшаға олар жем сатып алып, Маңғыстауға жеткізгісі келеді. Еріктілер қазірдің өзінде 150 вагон жіберді. Бірақ белсенділер үлкен ықылас болса да, көмек көрсету оңайға түспейтінін айтады. 

“Алдымен еріктілер осындай ыстықта шөпті вагондарға қолмен тиеді. Содан кейін мен Facebook парақшама жазып, әкімдікке, жергілікті кәсіпкерлерге жүгіндім. Үш күн ішінде техника мәселесі шешілді”,- дейді белсенді Айболат Бөкенов.  

Ауыл шаруашылығы министрінің міндетін атқарушының мәліметінше, қазіргі таңда ел бойынша жем-шөптің 70%-ға жуығы дайындалды. Бірақ фермерлер министрдің бұл айтқанымен келіспей отыр. 

“Ол өзіне көрсеткен шаруашылықты емес, жағдайлары қиын шаруашылықтарды көруі керек. Өкінішке орай, біздің мемлекет, сырт көзге ғана бәрін жақсы көрсеткісі келеді”,- дейді Ақтөбе облысы фермерлер одағының төрағасы Марлен Баймағамбетов. 

  • Маңғыстауға жем-шөп сатып алуға тағы 5,3 миллиард теңге бөлінеді
  • Еуропалық одақ Маңғыстау және Түркістан облыстарындағы құрғақшылықтан зардап шеккендерге 200 мың еуро бөлді

Источник stan.kz

Rating
( No ratings yet )
Like this post? Please share to your friends: