20 миллион теңгеге кәдесый сатып алған: Алматы әкімдігі оқиғаның мән-жайын түсіндірді

20 million teңgege kәdesyj satyp alғan almaty әkimdigi oқiғanyң mәn zhajyn tүsindirdi e1dfe4f

Алматы әкімдігі 20 миллион теңгеге алынған кәдесыйға қатысты түсініктеме берді, деп хабарлайды Stan.kz ақпарат агенттігі. 

20 миллион теңгеге кәдесый сатып алған: Алматы әкімдігі оқиғаның мән-жайын түсіндірді

Баспасөз қызметінің мәліметінше, кәдесыйлар Қазақстанға шетелдік инвестициялар тарту үшін алынған. 

"Дағдарыстан кейін елге экономиканы қалпына келтіру және одан әрі өсуін қамтамасыз ету шеңберінде шетелдік инвестицияларды тарту мәселесі ерекше өзекті болып отыр. Осыған байланысты шетелдік кәсіпкерлерді инвестиция туралы ақпараттандыру және ұсыну үшін инвестициялық іс -шаралар өткізу тиімді. Пандемияға қарамастан, биыл шетелдік инвесторлармен халықаралық кездесулер өткізілді. Осы іс -шаралар аясында кәдесыйларды сатып алуға арналған ойын-сауық шығындарына жоспарланған мемлекеттік сатып алу жүргізілді. Бұл картиналар, шапандар, естелік жиынтықтар және басқалар. Өнімдер отандық өндірушілер мен қаланың қолөнершілерінен сатып алынды", – деп түсіндірді қала әкімдігі.

2021 жылдың алғашқы алты айында инвесторларды тарту бойынша шаралардан кейін Алматыға 460 миллиард теңгеден астам инвестиция салынғандығы айтылады. 

Осыған дейін Қазақстанның кей өңірлерінде малдар аштан қырылып жатқанда, бюджеттің 20 миллион теңгесіне кәдесый сатып алған Алматының әкімдігі қазақстандықтардың наразылығын тудырғаны туралы жазған едік. 

Источник stan.kz

Rating
( No ratings yet )
Like this post? Please share to your friends: