Білім гранттарының тізімі қашан жарияланатыны белгілі болды

bilim granttarynyң tizimi қashan zharijalanatyny belgili boldy 4ced546

Биыл білім гранттарын тағайындау конкурсына қатысу үшін барлығы 75 мыңнан астам өтінім берілді. Бұл 2020 жылмен салыстырғанда 13 мыңға артық, деп хабарлайды Stan.kz ақпарат агенттігі. 

Білім гранттарының тізімі қашан жарияланатыны белгілі болды

Білім министрлігі баспасөз қызметінің ақпаратынша, грантқа үміткерлердің өтінімін комиссия мүшелері қарайды. Комиссия құрамына мемлекеттік органдар мен қоғамдық ұйымдардың өкілдері, журналистер, "Қазақстан студенттері альянсы", Отандастар қорының өкілдері кірді.

Гранттар талапкерлердің ҰБТ-да жинаған балына және бекітілген ережелерге сәйкес конкурстық негізде тағайындалады.

"Биыл білім гранттарын тағайындау конкурсына қатысу үшін барлығы 75 мыңнан астам өтінім берілді. Бұл 2020 жылмен салыстырғанда 13 мыңға артық. Мемлекеттік білім гранттарын тағайындау конкурсының нәтижелерін 15 тамызға дейін жариялау жоспарланып отыр", – делінген хабарламада.

  • Қазақстанда бейнежазбаларды көргеннен кейін 19 талапкердің ҰБТ нәтижелері жойылды
  • Қазақстандықтар қай мемлекеттерде тегін оқи алады?

Айта кетері, президенттің тапсырмасымен осы жылы гранттардың жалпы саны 5 мыңға артты. Яғни, былтыр білім гранттарының саны 51 мың болса, биыл 56 мыңды құрайды.

Сондай-ақ гранттарды бөлу кезінде алғаш рет азаматтардың әлеуметтік осал санаттары үшін квота көзделген.

Источник stan.kz

Rating
( No ratings yet )
Like this post? Please share to your friends: