«Баламның еміне ақша керек»: ШҚО-да зейнеткерлерді алдаған алаяқ ұсталды

balamnyң emine aқsha kerek shҚo da zejnetkerlerdi aldaғan alajaқ ұstaldy 451263f

Шығыс Қазақстан облысында зейнеткерлерді алдаған ер азаматтың үстінен қылмыстық іс қозғалды, деп хабарлайды Stan.kz ақпарат агенттігі. 

"Баламның еміне ақша керек": ШҚО-да зейнеткерлерді алдаған алаяқ ұсталды

Бұл туралы ШҚО полиция департаменті мәліметінше, Бесқарағай аудандық полиция бөлімшесіне 89 жастағы зейнеткер жүгінген. Ол бейтаныс ер адамның "отын әкеліп беремін" деп 55 000 теңге алғанын жеткізді. Алайда ол сол күйі хабарсыз кеткен.

Сонымен қатар, әлгі азаматтың тағы бір зейнеткерді алдап кеткені анықталды. 

 "72 жастағы зейнеткер өзін әңгімеге тартқан белгісіз біреудің "ұлымның еміне ақша керек" деп көмек сұрағанын айтты. Ойына еш секем келмеген ол алаяққа 20 000 теңге берген. Тәртіп сақшылары жедел-іздестіру шаралары барысында бұрын сотталған 45 жастағы ер адамды қолға түсірді. Белгілі болғандай, ол бұған дейін де сотталған", – делінген ПД хабарламасында.

Қазіргі уақытта аталған факті бойынша ҚР ҚК 190-бабы 1-бөлігіне (Алаяқтық) сәйкес сотқа дейінгі тергеу амалдары жүргізіліп жатыр.

Источник stan.kz

Rating
( No ratings yet )
Like this post? Please share to your friends: