Хитмен Қайрат Нұртас Алакөл тұрғындары мен қонақтары үшін концерт қойды. Көрермен толы болған ән кеші аншлагпен өтті, деп хабарлайды Stan.kz.
Қайрат желідегі парақшасында концерттен үзінді жариялады. Видеода әнші өзінің әйгілі "Сұранамын" хитін орындауда. Әнші мен көрерменнің бір-бірін сағынып қалғаны көрініп-ақ тұр.
Дегенмен, концертке жиналған халық желі оқырмандарының түсінбестігін туғызды. Облыстар мен қалалар қызыл аймаққа өтіп, коронавирус жұқтырғандар саны артып келе жатқан шақта, халықтың мұнша көп жиналуы концертті сырттай бақылап отырған елді таңдандырды.
Посмотреть эту публикацию в Instagram
"Алакөлде коронавирус жоқ", "Вирус қайда? Елді жинап, вакцина салдырып жатыр, ал мына жерде вирусқа орын жоқ қо", "Құрбан айтта айт намазын оқуға тыйым салды, ал мынаны қалай түсінуге болады?" "Алакөлге вирус бармаған сияқты. Бір адам маска тағып жүрген жоқ. Автобуста елдер маска тақпай-ақ жүр. Мықты халық екен. Қызыл зонасы қайда бұлардың?" – деп жазды оқырмандар.
