Жаңадан пайда болған әлеуметтік желі: «Clubhouse-да Тоқаевтың парақшасы пайда болды»

Тоқаевтың жаңа Clubhouse желісінде жеке парақшасы жоқ. Бұл туралы президенттің баспасөз хатшысы Берік Уәли мәлім етті.

«Clubhouse әлеуметтік желісінде Қазақстан Президентінің атымен байланысты бірқатар жалған аккаунт пайда болды. Қасым-Жомарт Тоқаевтың бұл платформаға тіркелмегенін ресми түрде хабарлаймын. Мемлекет басшысының Twitter-де @TokayevKZ және Instagram-да @Tokayev_Online деген екі ғана аккаунты бар екенін тағы да ескерткім келеді», — деп жазды  Facebook-те.

Айта кетейік, қазіргі Clubhose желісінің танымалдылығы артып келеді. Жаңа әлеуметтік желіде бірқатар танымал тұлғалармен тікелей әңгімелесуге болады. Clubhose-тың танымал қолданушылары арасында Tesla және SpaceX компанияларының басшысы Илон Маск және Facebook әлеуметтік желісін құрастырған Марк Цукерберг бар көрінеді.