"Димаш алғашқы мың адамға 10 мың доллар береді"

Димаш Құдайберген

Димаш Құдайбергеннің Facebook-тегі жалған парақшасында әнші мың адамға 10 мың доллардан таратады деген ақпарат шықты. Бұл үшін жазбаның астында пікір қалдыру керек делінген. /sputnik.kz/

Бұл ақпараттың жалған екенін түсіну қиын емес.

Біріншіден, әлеуметтік желідегі парақша тек бір күн бұрын ашылған. Димаштың суреттері мен бірнеше жыл бұрын түсірілген бағдарлама роликтері жүктелген.

"Алғашқы мың адам $ 10,000 алады. Бұл рас екеніне сеніңіздерші. Бұл бұған дейін біздің ұтыста олжалы болмағандарға арналған", - деп жазылған Facebook-те.

Екіншіден, бұл ақпаратқа сенгендерді тіркелу үшін фишингтік сайтқа жібереді. Ол жерде банк картасының мәліметін көрсету керек. Мақсат - банк есепшоттарындағы қаражатты қолды ету.

Жазба жарыққа шыққан кезде тұрғындар 5 мыңнан аса пікір жазып, Димашқа жылы лебізін білдірген. Қанша адам фишингтік сайтқа өтіп, мәліметін қалдырғаны белгісіз.

Бүгінгі жаңалықтар
qazbrand.info

Бұл желі ресурсының ақпараттық өнімдері 18 жастан асқан азаматтарға арналған.


Мекенжайы:
010000, Нұр-Сұлтан қаласы, Сарайшық көшесі, 34.

Байланыс телефоны: +7 775 759 2992.

E-mail: qazbrand.info
888