Мәссаған! «Сүрелерді қате оқыйды. Аллаһтан шипа сұрамайды. Жындармен жұмыс жасайды» деп діншілдер тарапынан сынға қалып жүрген емші бала Ербосын қайда жүр? Бұл туралы kaz.365info.kz сайты жазды.

Қайда жоғалып кетті?

Сөйтсе қарапайым адамнан бастап, министрлерге дейін қаралатын емші бала Ақтөбеге көшіп кетіпті. Ол онда не бітіріп жүр сонда? Діни ахуал белгілі бір дәрежеде ұшығып тұрған Ақтөбеге не мақсатпен барды?

Айта кетелік, бұдан бұрын атышулы емші бала Ерболсын Серікбаев NUR.KZ порталының сұрақтарына жауап беріп, өзінің қорқыныштары туралы айтып берген еді.

Ерболсын Серікбаев бір жылдан бері Ақтөбе қаласында ем жүргізіп жатыр. Ол қазір Ш.Қалдаяқов аялдамасының жанындағы «Аллегро» cауда үйінің үшінші қабатында түстен кейін адамдарды қабылдайды. Емдеу орнын жиі өзгертіп отыратын емші балаға келушілер көп.

Емшіден ем іздеп, оны сағаттап күткендердің қатарында балабақша, мектеп қызметкерлерінің де барын көрдік. Демек, халықтың санасы соқыр сенімнен әлі де арылмаған.

Ерболсын дүкенге кіргеннен барлық сатушылармен амандасып шығады. Байқағанымыз, Ақтөбеге келген бір жыл ішінде ол орыс тілін үйреніп алған. Орыс қыздармен әзілдесіп, жылы сөйлеседі.

Емші бала өзі туралы  жарияланған барлық материалдарды оқып отыратынын айтты.

«Мен өзім туралы жазылғандардың барлығын оқимын. Маған сілтемемен жіберіп отырады. Қазір адамдар көп айтып жүрген психолог Жаннаның айтқандарын да маған жіберді. Мен сілтеме арқылы көрдім. Егер мен ол кісінің ойындағыдай атаққұмар болсам, бұлай болмас еді.

Маған Алла осындай дарынды бермесе, мені ауыртпаса, мен адамдарды қарамас едім.

Мен туралы сын айтқан Жанна тәте туралы жақсы білемін. Жақсы маман деп естимін. Бірақ, жақсы мамандар өз жұмыстарын жақсы атқарса екен деймін», — дейді Ерболсын Серікбаев.

Емші баланың өзіне деген бағасы жоғары.

«Көп жасағаннан емес, көпті көргеннен сұра деген бар. Мен көп жүрдім, көп халықпен араластым. Жүз адамның мінезі жүз түрлі болады. Оларға менің жаным ашып қарайды. Мен өзім ауырып, адамдарды қарап, ерте есейдім. Мен халыққа ем бермесем, өз өзіме сыймай кетемін. Менің ата-бабаларым өлеңдер жазған, молда болған. Мендегі қасиет солардан дарыған болуы мүмкін.

Неге маған бәрі тіреліп қалып жатқанын түсінбедім. Бұрын 3-4 жыл адам қарап, үлкен стадиондарды жалдаған сары әулиелер қазір жоқ болып кетті. Қыдыр аталар бар. Неге оларды да солай шығармайды. Мен ұсақ-түйек, шаң тозаңдарға уақыт бөліп қарайтын адам емеспін. Aқшаны да жақсы көрмеймін. Кім не айтса да мен адам қарауды тоқтатпаймын.

Кісілер не айтса да үріп-үріп қояды», — дейді ол.

Емші өзі туралы «Қыдыр атамен бірігіп ем жүргізіп жатыр екен» деген қауесетті жоққа шығарды.

«Ақтөбеде Қыдыр ата деген емшінің бар екенін білемін. Бірақ ол кісіге барып көрген жоқпын. Көптен бері келе жатқан кісілер. Басымызды иеміз. Бірігіп жұмыс жасау ойымда жоқ. Ол кісі өз үмбетімен, мен өз үмбетіммен жұмыс жасап жатырмын. Екеуміз екі түрлі адамбыз. Өмірімде ол кісімен кездесу

жасап көрмеппін», — дейді Ерболсын.

Емші бала өзі талып қалмауы үшін адам емдеп жүргенін жасырған жоқ.

«Мен шынымды айтайын, егер мен 10 күндей адам қарамай қалсам ауырып қаламын. Демала алмай, аяқ қолым тартылады. Мен адамдарды өзім ауырмас үшін қараймын. Оны басқаша түсінетіндер бар. Ең басында емді сынық салудан бастадым. Ауылда көп кісілердің қолы шығып кетті. Сынықпен айналысып жүріп, емім шарықтады. Өзімнің де жазылып келе жатқанымды білгенде емді тоқтатқан жоқпын.

Халықтың бәрі менің Ақтөбеде екенімді біледі. Жарнама жасамай-ақ халықтың өзі тауып алады. Сабағымды оқимын, арасында емдеймін. Мен дәрігерлік білім алып, ем жүргізуді жалғастыруды армандаймын және мақсат етемін», — дейді Ерболсын.

Емшілікпен аты шыққан Ерболсынның төрт әпкесі, үш қарындасы бар.

https://youtu.be/bzkjPecsud0
Бөлісу