Төреғали Төреәлі мен Мөлдір Әуелбекова бірігіп түсірген “Сен болмасаң” бейнебаяны халық арасында тез таралып кетті. Жаңаша леппен орындалған ән көпшіліктің көңілінен шыққаны соншалық, 20 күн ішінде 2,5 миллион рет қаралып үлгерді. Осы орайда жұлдызды жұп хикаяның жалғасын түсіріп, халыққа ұсынды, деп хабарлайды Stan.kz.

Алғашқы бөлімде мектеп қабырғасында оқитын Төреғали мен Мөлдірдің арасындағы бала махаббат баяндалады. Отбасымен басқа өңірге көшіп кеткен бойжеткен сүйіктісінен көз жазып қалады. Ал “Қоштасудың қиыны-ай” туындысында есейген жұп арада біраз жыл өткеннен кейін қайта жүздеседі.

Тыңдармандар қос өнер иесінің актерлік шеберлігіне тәнті болды. Көпшілік Төреғалидің де, Мөлдірдің де рөлге шынайы беріліп ойнағандарын атап өтуде.

«QazBrand.info порталының» Telegram-каналына жазыламыз!